Duka i del krah Panuçit: Koha e llogoreve nuk vlen, humbja s’është tragjedi. Trajnerit duhet t’i japim…

Sep 12, 2018 | 13:53
SHPËRNDAJE

Presidenti i FSHF, nëpërmjet një reagimi në Instagram, ka komentuar rezultatet e skuadrës, si dhe punën e trajnerit Panuçi, pas dy ndeshjeve të para në Ligën e Kombeve. Duka shprehet se nuk duhet bërë tragjedi humbja ndaj Skocisë, dhe tashmë i duhet dhënë kohë Panuçit për të bërë ndryshimet e duhura në skuadër.

Duka dhe Panuci

POSTIMI I PLOTË

Sapo kemi nisur një turne të ri,dhe kemi bërë dy ndeshjet e para. Kemi marrë tre pikë dhe pësuam humbjen e parë të hënë në mbrëmje në Gllasgou. Nje humbje nuk duhet trajtuar si nje tragjedi. Kemi patur mundësitë tona atë mbrëmje që nuk i shfrytëzuam, ashtu sikurse edhe difektet tona që jam i bindur që trajneri i ka tashmë pikë referimi.

Jemi në gjysmë të rrugës, me pikë të barabarta me rivalin. Na pret në tetor një transfertë e vështirë në Izrael. Të gjithë ne duhet ti japim kohën e mjaftueshme trajnerit për të bërë ndryshimet dhe reflektimet e duhura në skuadër.

Koha e llogoreve nuk vlen për askënd. Kritikat jane normale per nje skuader kur ajo humbet. Por kur këto behen per interesa jo sportive, nuk i sherbejne askujt.

Unë mirëkuptoj cdo shqetësim të tifozëve tanë apo cdo artikulim mediatik por njëherësh i ftoj që këtë situatë jo të mirë ta shndërrojnë duke shpenzuar energji pozitive për kombëtaren tonë.

Capture

PANORAMA SPORT

NDIQE LIVE "PANORAMA TV" © Panorama.al

Te lidhura