Drejtori i Vllaznisë, Engin Firat, është prezantuar ditën e sotme si trajneri i ri i Kombëtares së Moldavisë.
Turku ka dalë para mediave, duke folur me detyrën e re, tashmë si trajner i Moldavisë. Ndërkohë, ai ka firmosur edhe një kontratë, me kombëtaren që gjendet në grupin H eliminator të Europianit 2020, grup ku bën pjesë edhe Shqipëria.
Në kontratën që ka lidhur me presidentin e Federatës Moldave të Futbollit, Firat do të drejtojë ekipin në dy ndeshjet e nëntorit, përballë Francës dhe Islandës. Më pas, ata do të ulen sërish në tryezën e bisedimeve, për të vendosur nëse do të zgjasin kontratën apo jo.
Kujtojmë që ndeshja e fundit e Moldavisë, ishte ajo e 14 tetorit, ku Shqipëria e mundi thellë me shifrat 0-4, e trajner ishte ukrainasi Semen Altman, e për të cilin ishte ndeshja e fundit, pikërisht ajo ndaj kuqezinjve.
PANORAMASPORT.AL
NDIQE LIVE "PANORAMA TV" © Panorama.al
