Drejtori i Policisë së Dibrës, Perlat Vatoci është gjobitur për shkelje të rregullave të qarkullimit rrugor. Kjo është bërë e ditur nga vetë ministri i Brendshëm Saimir Tahiri në faqen e tij të Facebook-ut, ku ka postuar edhe videon e denoncuar nga një qytetar.
“Falenderoj qytetarin qe solli kete video. Ndaj punonjesit te policise u mor masa administrative per shkeljen’,- shkruan Tahiri.
Ndërsa duke iu përgjigjur komenteve në rrjetin social, Tahiri më poshtë ka postuar edhe fletën e gjobës që është plotësuar për Vatocin.
Kjo nuk është hera e parë që ministri i Brendshëm denoncon shkeljen e rregullave të qarkullimit rrugor nga zyrtarë të lartë. Rasti më i fundit ishte ai i makinës së eskortës sës Ministres së Mbrojtjes Mimi Kodheli.
