Delinda Zhupa është aktorja simpatike e spektaklit “Portokalli”, që qëlloi menjëherë në shenjë me personazhin tipik, Miss Dhoqina Shtrëmbari, por së fundi edhe me imitimin e drejtoreshës së Tatimeve, Briseida Shehaj.
Videot e saj kanë bërë xhiron e rrjeteve sociale, duke e shndërruar në kohë të shkurtër një nga aktoret më të njohura të humorit.
Po cila është jeta private e Delindës, e dashuruar me një artist dy vite më të madh, që po ashtu ka përfunduar studimet e larta në Universitetin e Arteve, …ajo rrëfen për “Panorama”: E lumtur që ke tërhequr vëmendjen e publikut në kohë shumë të shkurtër me rolet e tua në “Portokalli”.
Po në jetën sentimentale ndihesh e plotësuar?
Po. Ka disa vite që jam e dashuruar, por lidhjen e bëmë publike verën e shkuar. Me Eldo Dishën jemi njohur në Universitetin e Arteve, ku dhe jemi diplomuar. Mund të them se historia jonë e dashurisë është shumë e bukur.
Çfarë komentesh të bën për rolet e përfolura në “Portokalli”?
(Qesh) Eldo është artist, dhe di ta bëjë diferencën midis meje dhe roleve që unë luaj. Madje “Portokallinë” e shohim të dy me vëmendje dhe bëjmë secili kritikat tona në sensin e mirë.
The më sipër se historia juaj është shumë e bukur, çfarë e bën të tillë?
Ne jemi njohur në një shfaqje, komedi të zezë, në Universitetin e Arteve, ku Eldo realizoi skenografinë dhe kostumet, ndërsa unë interpretoja rolin e Spajsit, një plakë rreth të 60-tave me sklerozë. Më vjen të qesh kur e mendoj që përditë më shihte si plakë.
Po tani që imiton drejtoreshën e Tatimeve, çfarë të thotë?
(Qesh) Mendimin e tij e ka shprehur me humor. Madje, në mos gaboj, në daljen time të parë të sezonit që u mbyll postoi videon me komentin sipër: “S’e dija që e kisha gruan drejtoreshë Tatimesh”.
Qenka djalë me humor…
Eldo ka shumë humor. Është serioz në dukje, po edhe i këndshëm njëkohë- sisht.
Të dy artistë, po çfarë lidhjeje është kjo e juaja, pasionante apo e qetë?
Lidhje e qetë, me shumë përkushtim, respekt dhe dashuri brenda.
Keni plan ta kurorëzoni me martesë?
E kemi në planet tona të ardhshme edhe martesën. Uroj dhe shpresoj të jetë në 2016-n, edhe pse është pak shpejt.
Në spektakël të shohim se i realizon të gjitha natyrat femërore. Realisht je natyrë e brishtë apo e fortë?
I kam të dyja, por varet. Jeta të bën edhe të fortë, edhe të brishtë.
NDIQE LIVE "PANORAMA TV" © Panorama.al
