Pas dy vitesh pandemi dhe kufizimesh anti-COVID, hap pas hapi dhe futbolli po i rikthehet normalitetit.
Një situatë që duke nisur nga data 1 maj në Itali do të marrë një kthesë të rëndësishme për botën e sportit.
Këshilli i Ministrave në Itali do të zyrtarizojë rregullat e fundit, ku me stadiumet që janë rikthyer në kapacitetin maksimal prej disa kohësh, do të hiqen edhe detyrimi i “Green Pass”-it dhe mbajtja e maskave.
Një ndryshim rregullash i shumëpritur nga të gjithë sportdashësit në Itali.
Për momentin, mbetet për t’u parë nëse qeveria do të miratojë të njëjtën linjë për eventet në impiantet e brendshme dhe në salla sportive.
PANORAMASPORT.AL
NDIQE LIVE "PANORAMA TV" © Panorama.al