Duket se sekretet e La Ligës në sezonin e kaluar kanë dalë sheshit. Disa prej tyre mund të jenë shokuese e disa të tjera krejt normale për shkak të punës e cila ka sekretet e veta. Bëhet fjalë për një dokumentar të gjatë që do të lançohet nga komapnia “Amazon Prime”.
Në sy bie një ankesë e presidnetit Perez për trajnerin Zinedin Zidan gjatë një ndeshje me Eibar në kampionat teksa i thotë presidentes Amaia Gorostiza se: “Përveç ndeshjes të së martës (fitorja ndaj PSG-së në Francë), ka qenë një sezon i tmerrshëm”. Videoja paraqitet për herë të parë në serinë e dokumentareve “Six Dreams” të Amazon Prime Video.
Duke u nisur nga video shkarkimi i Zidanit ishte i sigurt por suksesi në Champions e shpëtoi. Ndërkohë një tjetër video paraqet si protagonist trajnerin e Sevijas Eduardo Berizo në dhomat e zhveshjes i cili shkarkohet pasi ishte duke luftuar me kancerin. Ai u diagnostikua me kancer të prostatës dhe i duhej të operohej. Ai u kthye në punë përsëri pas 17 ditëve para ndeshjes me Mançester Junajtidit.
“Futbolli është i tillë”- kishte thënë presidenti i klubit, Hoze Kastro Karmona, pasi e shkarkoi.
Ndërkohë në një tjetër video paraqitet lojtari i Atletiko Bilabos i cili ka lindur në Spanjë por i është dashur të përballet me shumë paragjykime raciste për të arritur aty ku është sot. “Unë dua tua hap mendjet njerëzve”, thotë ai para një grupi të lojtarëve të rinj. Dua tu tregoj atyre që mendojnë se një lojtar i zi nuk mund të luajë për Atletik Bilbao ose se si një njeri i zi nuk është bask. Ju ende mund t’i dëgjoni në ditët e sotme këto fjalë. Si mund të luajë ky njeri i zi për Atletik Bilbaon”.
“Unë jam i zi, por jam edhe bask, kam lindur këtu. Ndihem bask dhe dua tua hap dyert të gjithë njerëzit që luftojnë çdo ditë që të jenë pjesë e këtij klubi”, thotë në dokumentar Uilliams. Në një tjetër video paraqitet dhe lamtumira e Fernando Torres nga Atletiko Madrid. Torres i cili që në fëmijëri ka qenë një tifoz i çmendur i Atletikos së Madridit, duke bërë një lamtumirë me sytë e mbushur me lot.
