Dyshohet si pjesë e një celule terroriste, e cila rekrutonte vajza për t’u martuar me luftëtarët e ISIS, gjykata e Tiranës vendos “arrest me burg” për Lubjana Gjecajn.
Arrestimi i kësaj shtetaseje nga policia e Tiranës para disa ditësh u bë me qëllim ekstradimi drejt Italisë.
43-vjeçarja, banuese në Tiranë, rezultonte e shpallur në kërkim ndërkombëtar më datë 4 shtator 2020.
Gjykata e Hetimeve Paraprake Milano, Itali, e ka dënuar me 3 vjet burg, për veprën penale ”Organizatë me qëllime Terroriste”.
“Kam dijeni për vendimin e dhënë ndaj meje në Itali. Do bëj kërkesë ta vuaj dënimin këtu. Kam dashur ta vuaj dënimin por nuk më ka lejuar shteti italian“, tha ajo sot në gjyq.
