Rita dhe Roza Lati njihen për marrëdhënien e tyre të veçantë. Ato janë shumë të hapura me njëra-tjetrën dhe flasin pa komplekse.
Këtë gjë e tregojnë edhe në studiot e emisioneve ku ftohen.
Dhe mbrëmjen e djeshme, nënë e bijë ishin në emisionin “Soire”, i cili u shoqërua me batuta mes tyre.
Gjithçka nisi kur Roza u pyet sesi do ishte propozimi i saj ideal për martesë.
“Do të doja të isha në breg të detit,”- tha ajo, duke e marrë shumë shtuar rrëfimin e saj.
Por ndërsa moderatorja fliste ndërhyri Laert Vasili.
“Hajde gjej breg detin në shkurt,”– tha ai.
Roza u ngrit në këmbë duke i thënë ta lërë të flasë.
“Më lër thashë, më lër të flas. Do të vras, do të vras,”– i drejtohet ajo, duke iu hedhur më pas në prehër.
U desh ndërhyrja e nënës së saj që ta largonte nga Vasili dhe më pas Roza nisi sërish rrëfimin.
“Do të doja valët e detit, gjethet e palmave,”- u shpreh ajo.
“Nesër mbarojë,”- tha Rita e paduruar, që vajza të tregonte propozimin ideal për martesë.
“Do të doja shampanjë, shalqi, luleshtrydhe dhe në një moment …,”– tregoi moderatorja, që u ndërpre nga Rita e cila i tha: “Na çave trapin.”
Të gjithë në studio filluan duke qeshur, teksa Roza nisi sërish rrëfimin dhe nëna e saj i qëndronte e shishe shampanje në kokë që të mbaronte sa më shpejt: “Dhe në momentin më të rëndomtë që do më thoshte zemër më sill pak fasoletën se më rreshkëti lëngu i shalqiut dhe kur ti jepja fasoletën do më tregonte në kuti të bukur që do ishte unaza aty brenda.”
“Të hëngrët një mortje. Sa e zgjati. Mbarove moj se vdiqëm,”– i tha Rita në fund.
