E nominuara nga Presidenti amerikan Donald Trump për ambasadore në Shqipëri., Yuri Kim doli mbrëmjen e sotme para Komisionit për Politikën e Jashtme në Senatin Amerikan, ku ka folur për prioritetet e saj si ambasadore në Tiranë.
Yuri Kim u fokusua në tre pika kryesore sa i përket objektivave të saj si ambasadore në Tiranë.
“Fillimisht, do të inkurajoj Shqipërinë të vijojë me kursin e qëndrueshëm për të arritur në 2% të investimeve të mbrojtjes deri në vitin 2024, që kështu Shqipëria të jetë edhe më e fuqishme dhe e aftë si aleate.
“Së dyti, do të vazhdoj të promovoj zhvillimin demokratik të Shqipërisë. Në terma të menjehërshëm, unë do të shtyj drejtuesit e Shqipërisë për të zgjidhur ngërçin aktual politik në një mënyrë që përforcon kërkesën e pranimit të Shqipërisë në BE.
Së treti, do të punoj për të promovuar eksportet dhe investimet amerikane në Shqipëri në mënyrë që të sigurohen mundësi për qytetarët e SHBA-së dhe Shqipërisë, si dhe të krijohen vende pune në të dyja shtetet”.
Kandidatja për ambasadore tha se mbështet ngritjen e Byrosë Kombëtare të Hetimit dhe SPAK-un.
Gjithashtu, ajo tha se mbështet autoritet shqiptare të forcojnë institucionet. “Duhet të ndihmojë autoritetet shqiptarë të forcojnë institucionet për ti bërë ballë rrezikut rus”, tha Kim.
NDIQE LIVE "PANORAMA TV" © Panorama.al
