“Do të legalizohet çdo shtëpi”/ Balla takim me banorët në Krastë: Do të punësohen deri në 500 qytetarë në projektin e…

Mar 30, 2021 | 18:50
SHPËRNDAJE

Drejtuesi Politik i Partisë Socialiste për Qarkun e Elbasanit, Taulant Balla zhvilloi një takim  me banorët e Krastës.

taulant balla

Gjatë fjalës së tij, Balla preku edhe çështjen e legalizimeve, ku tha se çdo banesë do të regjistrohet dhe legalizohet.

“Kryetari ynë i Bashkisë përmendi disa prej sfidave që përfshin zona e Krastës , duke filluar nga legalizimi. Jam shpresëplotë se procesi i legalizimit po shkon drejt fundit, çdo banesë në këtë zonë do të regjistrohet dhe legalizohet”, tha ai.

Më tej Balla u shpreh se projekti  i Auto-Moto Parkut që do të jetë në bregun e Shkumbinit, do të punësojë deri në 500 qytetarë.

Zona e Krastës, në mandatin tonë të ri, është  destinacioni kryesor i investimeve në qarkun e Elbasanit. Kjo lidhet edhe me arsyen e krijimit të një vend punësimi që do të jetë Auto-Moto Parku që do të jetë në bregun e Shkumbinit. Auto-Moto Parku i Krastës do të ketë deri në 500 të punësuar. Kështu do ti krijojmë Elbasanit diçka që nuk e ka deri më sot”, u shpreh Balla.

© Panorama.al

Te lidhura