‘Do më duhen për të blerë Twitter’, Elon Musk shet të tjera aksione nga Tesla

Aug 10, 2022 | 9:44
SHPËRNDAJE

Shefi i Tesla-s, Elon Musk ka shitur aksione të tjera të tij nga kompania që prodhon makina elektrike, të cilat kapin vlerën rreth 6.88 miliardë dollarë.

_126263139_tv077913143

Shitjet u zhvilluan pas mbledhjes vjetore të aksionerëve të firmës javën e kaluar, tregojnë dosjet rregullatore, shkruan BBC.

Musk thotë se i duhen paratë në rast se detyrohet të blejë Twitter për 44 miliardë dollarë.

Multimiliarderi është aktualisht i përfshirë në një betejë ligjore me platformën e mediave sociale pasi tha muajin e kaluar se do të tërhiqej nga një marrëveshje për ta blerë atë.

Transaksionet e fundit janë kryer në datat 5, 8 dhe 9 gusht, sipas gjashtë dosjeve në Komisionin e Letrave me Vlerë dhe Shkëmbimit të SHBA-së.

Pasi lajmi për shitjen e aksioneve u bë publik, Musk iu përgjigj një postimi në Twitter që e pyeste nëse kishte mbaruar shitjen e aksioneve të Tesla-s me “po”, duke shtuar se i duheshin paratë në rast se detyrohej të blinte Twitter dhe nuk ishte në gjendje të siguronte nga financimi për marrëveshjen.

© Panorama.al

Te lidhura