Harry Brant, një model dhe djali i koleksionuesit të artit bashkëkohor Peter Brant dhe gruas së tij, supermodeles Stephanie Seymour, ka vdekur në moshën 24-vjeçare.
Sipas një deklarate të lëshuar nga familja e tij, ai u gjet i vdekur nga një mbidozë aksidentale e drogës të dielën, sipas “Vanity Fair”.
“Harry donte të kapërcente varësinë e tij dhe ishte vetëm disa ditë larg rikthimit në rehabilitim,” shkruhej në deklaratë.
“Do të jemi përgjithmonë të trishtuar që jeta e tij u ndërpre nga kjo sëmundje shkatërruese. Ai arriti shumë në 24 vitet e tij, por ne kurrë nuk do të kemi mundësinë të shohim se sa shumë më shumë Harry mund të kishte bërë.
Harry nuk ishte vetëm djali ynë. Ai ishte gjithashtu një vëlla i mrekullueshëm, nip i dashur dhe një mik i dashur. Ishte një shpirt krijues, i dashur dhe i fuqishëm që solli dritë në zemrat e kaq shumë njerëzve.
Ai ishte me të vërtetë një person i bukur jashtë dhe brenda”, shkruan familja.
Djali i modeles u bë gjithashtu pjesë e botës së modës, duke ndjekur hapat e së ëmës. Ai ishte model në shumë fushata për “Vogue Italia” dhe “Balmain”.
Harry kishte nxjerrë gjithashtu një linjë unisex make up-i me vëllain e tij për “MAC”, dhe shkruante për revistën “Intervieë”, e cila dikur ishte në pronësi të babait të tij, Peter Brant.
NDIQE LIVE "PANORAMA TV" © Panorama.al
