Shërbimi Meterologjik Ushtarak parashikon që dita e nesërme do të ndikohet nga kushte atmosferike të paqendrueshme, ndërsa moti kryesisht i vranët me reshje shiu herë pas here.
Temperaturat parashikohen të shkojnë nga 6 gradë celsius që është ajo më e ulëta gjatë ditës deri në 16 gradë celsius që është ajo me e larta.
“Dita e premte do të ndikohet nga kushte atmosferike të paqendrueshme. Moti parashikohet kryesisht i vranët. Reshje shiu të herëpasherëshme me intensitet të ulët deri mestarë. Në lartësinë mbi 900 metra në zonat malore reshjet të dobta bore. Në orët e mbrëmjes reshjet mbeten me intensitet të ulët të karakterit lokal në verilindje të vendit.
Era do të jetë nga kuadrati i lindjes me shpejtësi 1-10m/s, përgjatë vijës bregdetare në jug hera-herës fiton intensitet deri në 15m/s.
Temperaturat parashikohen:
në zonat malore 1ºC deri në 6ºC
në zonat e ulëta 4ºC deri në 15ºC
në zonat bregdetare 10ºC deri në 16ºC”, njofton SHMU.
NDIQE LIVE "PANORAMA TV" © Panorama.al
