Ish-kandidati për deputet i LSI-së në qarkun e Beratit Ardit Çela ka përkujtuar sot 5-shtatorin, ditën e Çlirimit të Skraparit.
“Gjyshi im, vëllezërit e tij, dhe qindra të tjerë patriotë e atdhedashës në rrethin e Skraparit luftuan për një Shqipëri më të mirë”, shkruan Çela në mesazhin e tij në rrjetet sociale.
Ai kujton se gjyshi i tregonte me krenari për shtypshkronjën që kishin në shtëpi, ku shtypeshin dhe shpërndaheshin traktet dhe udhëzimet e kohës.
Mesazhi i plotë
Gjyshi im, vëllezërit e tij, dhe qindra të tjerë patriotë e atdhedashës në rrethin e Skraparit luftuan për një Shqipëri më të mirë. Nga kujtimet e gjyshit, por edhe të dashamirësve që sot i kujtojnë vlerat e zonës tonë, me krenari më tregonin për shtypshkronjën që kishim brenda shtëpisë tonë, nga ku shtypeshin e shpërndaheshin traktet dhe udhëzimet e kohës.
Sot është 5-Shtatori, Çlirimi i Skraparit. E përkujtojmë me Lavdi këtë ditë, në nderim dhe respekt tē të gjithë atyre që luftuan e punuan për një Shqipëri të lirë!
Lavdi Dëshmorëve!
Lavdi Heronjve!
NDIQE LIVE "PANORAMA TV" © Panorama.al