Dy automjete të parkuara janë përfshirë nga flakët gjatë natës në qytetin e Elbasanit. Burime për “Panorama.al” bëjnë të ditur se automjetet Land Rover dhe Volsvagen janë në pronësi të shtetasit Kujtim Kasnaci, pronar i një pikë shumicë.
Mësohet se mjetet ishin të parkuara poshtë një banesë në lagjen “Emin Matraxhiu” dhe nga të dhënat e para dyshohet se zjarri ka qenë i qëllimshëm.
Nga këqyrja e kamerave të shtëpisë së pronarit të automjeteve shihen dy persona me kapele që i spërkasin mjetet me benzine dhe me pas të dyja përfshihen nga flaket.
Ndërkohë policia dhe grupi hetimor po punojnë për zbardhjen e ngjarjes.
NDIQE LIVE "PANORAMA TV" © Panorama.al