Shpesh, kur zgjedhim të ndjekim një regjim ushqimor dezintoksikues pyesim veten: a funksionojnë dietat, uji mineral apo suplementet që ndihmojnë për të pastruar trupin? Sipas studiuesve të “Voice of Young Science”, në shumicën e rasteve, këto dieta nuk kanë asnjë efekt. Nuk duhet të quhen dieta dhe as të konsiderohen si të tilla.
Dezintoksikim do të thotë të largosh substancat helmuese. Uji apo një suplement – thonë studiuesit – mundet vetëm të pastrojë… Disa dieta “dezintoksikuese” në fund kanë pasur efekt mjaft të dëmshëm. Sidoqoftë, studiuesit nuk e ndalojnë konsumimin e ushqimeve që kanë efekte pastruese. Thjesht ata këmbëngulin që këto dieta të mos ndiqen pa mendimin dhe miratimin e ekspertit të fushës. /Revista Psikologjia/
