UPDATE/ Një komisioner i Partisë Socialiste është dhunuar barbarisht sot në ambientet e Qendrës së Numërimit të votave në Fier. Sipas burimeve zyrtare të policisë bëhet me dije se e gjitha erdhi për shkak se kur një votë u shpall e pavlefshme nga numëruesi, hasi në kundërshtimin e një grupi personash, mes të cilëve ndodhej edhe Fatmir Kajolli, kandidat për këshilltar bashkiak nga Partia Republikane dhe të afërmit e tij.
Në momentin që numëruesi është afruar drejt tyre me fletën e votimit në dorë për t’ua sqaruar dhe treguar atyre më nga arfër se për çfarë pavlefshmërie bëhej fjalë, aty ka nsiur edhe përleshja.
Gjatë përleshjes janë përdorur edhe mbajtëset e hekurit, që ka vijuar me shkatërrimin e të gjithë sistemit të numërimit të votave.
Policia, e cila mbërriti e lajmëruar nga komisionerët, ka ndaluar grupin e përfshirë në përleshje. Numërimi i votave në këtë qendër është ndërprerë dhe qendra është marrë në ruajtje nga ana e Policisë së Shtetit.
Numëruesi socialist, Roland Bylyshi u dergua në spital me carje ne koke, ku mori edhe mjekimin e duhur. Mjeket kane thene se i ndodhet jashte rrezikut per jeten.
Policia ne nje deklarate per ngjarjen tha se ka nisur procedim penal dhe ka shpallur në kërkim shtetasit:
-Fatmir Kajolli, 50 vjeç, banues në lagjen Mbrostar Ferko, Fier.
-Alban Kajolli , 22 vjeç , banues në lagjen Mbrostar Ferko, Fier.
-Florim Kajolli, 23 vjeç, banues në lagjen Mbrostar-Ferko, Fier.
Sipas policisë, sot rreth orës 01:35, në KZAZ Nr, 57, në shkollën e mesme “Janaq Kilica”, në lagjen “Kastriot”, Fier, në bashkëpunim me njëri tjetrin, kanë goditur me sende të forta, për shkak të detyrës numëruesin e subjektit politik PS, shtetasin:- Roland Bylyshi, 34 vjeç , banues në fshatin Levan, Fier, i cili ka marrë dëmtime të lehta”.
NDIQE LIVE "PANORAMA TV" © Panorama.al
