Policia italiane ka zbuluar një grup grabitësish që ishin kthyer në tmerrin e Riminit. Grupi me tre pjesëtarë arrinte të kryen deri në 10 vjedhje në tre orë. Në pranga kanë përfunduar dy shqiptarë dhe një italiane.
Një prej të arrestuarve, Blerim Halili, 35 vjeç, rezulton i dënuar më parë për vrasje dhe rezulton ilegal prej shumë kohësh në Itali. Grupi ishte shumë i specializuar në grabite pasi vetëm gjatë muajve dhjetor dhe janar kanë vjedhur më shumë se 350 sende me vlerë.
Gjatë operacionit për kapjen e tyre, policia ndaloi makinën e drejtuar nga Nikaj duke vënë në pranga atë dhe shtetasen italiane e cila ishte ulur në sediljet e pasme. Kurse Halili, i cili ishte ulur në vendin e parë si pasagjer arriti t’i ikte policisë.
Kjo nuk ishte surprizë për policinë italiane pasi ai njihet si “Jury Chechi i keq” (Juri Chechi gjimnast i njohur italian”, pasi është i aftë të ngjitet në katin e tretë të një ndërtesa pa doreza.
Por, policia më pas arriti të zbuloi vendndodhjen e tij në Napoli, ku u kap në një hotel.
Si “magazinë” për objektet me vlerë shërbente apartamenti i një shtetase italiane në Rimini, e cila ka përfunduar gjithashtu në pranga. E arrestuara është Stefania Longhi, 43 vjeçe, e cila rezulton e dashura e Halilit. Ndërsa shqiptari tjetër i arrestuar është Françesko Nikaj, 28 vjeç.
Policia gjeti në apartamentin e italianes bizhuteri,kompjutera, ora, argjendurina, para, portofola dhe sende të tjera me vlerë.
NDIQE LIVE "PANORAMA TV" © Panorama.al
