Deti, Enver Hoxha e zgjeroi me 15 milje, ultimatumi i SHBA për t’u tërhequr në 12 milje

SHPËRNDAJE

Ish-Komandanti i Forcave Detare, që ka udhëhequr negociatat e ndarjes së kufirit detar me palën italiane rrëfeu këtë të enjtë në Top Channel sesi Shqipëria u tërhoq nga shtrirja 15 milje në vitin 1990.

deti-3
Vladimir Beja, i ftuar në emisionin “Të Paekspozuarit” tha se Shqipëria ishte shtrirë 15 milje, në kundërshtim me të drejtën ndërkombëtare në periudhën kur ishte anëtare e Traktatit të Varshavës.

Por, në fund të viteve ’80, vendi ynë mori një ultimatum.

“Në 1975 qeveria shqiptare vendos t’i shtrijë ujërat në 15 milje në kundërshtim të plotë me çdo shtet. Ka qenë akt paradoksal. Ky ligj u kthye mbrapsht, por Shqipëria vazhdonte me 15 milje, deri në vitin 1989 kur erdhi nota amerikane. E kam pasur mbi tavolinë kopjen e notës së qeverisë amerikane nëpërmjet ambasadës franceze, ku thoshte në mënyrë ultimative; tërheqja nga 15 milje në 12 milje. Morëm një ultimatum nga SHBA që të tërhiqemi në 12 milje në atë kohë dhe në vitin 1990, qeveria e asaj kohe u tërhoq në 12 milje”, tregon ai.

Beja kujton dy momente nga negociatat me italianët.

“Së pari ishte tërheqja nga 15 miljet dhe pranimi i vijës bazë dhe së dyti ishte statusi i ishullit të Sazanit. Italianët pretendonin se ishte i pabanuar. Kjo ka qenë një fazë e vështirë e negociatave dhe them sot se nëse ne do të praninim propozimin e italianëve për Sazanin, do të humbnim 100 milje det”, deklaroi ai.

Profesor/Doktor Eqerem Yzeiri, pedagog i gjeografisë në Fakultetin e Historisë dhe Filologjisë në Universitetin e Tiranës kërkon që në negociata me grekët të bëhet kujdes me termat.

“I vetmi parim i që duhej zbatuar ishte ai i barazlargësisë. Termi i “korrektuar” në parimin e barazlargësisë lë shumë vend për interpretime”, thotë Profesor Yzeiri. Top Channel

 

Te lidhura

 

Artikulli paraprakQeveria zhvendoset për 2 ditë në Berat, zbardhet axhenda e mbledhjes
Artikulli tjetërVetingu në Burgje/ Pas 130 efektivëve të dënuar, ministrja Gjonaj bën deklaratën e fortë

1 KOMENT

  1. …. pra kur erdhi "ultimatumi" Enver Hoxha kishte 8 vjet qe kishte vdekur dhe 24 vjet qe e kishin vendosur kufirin detar ne 15 milje, nashi hani mut dhe grini sallat sa te doni.
    Qeverite shqiptare pas shkerdhatodemokracise nuk e kane per gje te falin teritore si me Sali Serbin qe ne v. 2009 i dhuroj 355 km2 det greke-qireve dhe nuk pati asnje ultimatum nga USA per kete tradheti kombetare.
    Kesaj i thone futja pordhes se ne Albanistan nuk ka ZOT dhe mund te beni cfare te doni njesoj si me Kosoven qe po e detyrojne t'i fali territore Malit te Zi

Comments are closed.