Derbi i kryeqytetit mes Tiranës dhe Partizanit i cili u luajt ditën e djeshme dhe u mbyll me fitoren e bardhebluve 5-1, ishte padyshim një nga derbit më të bukur në vitet e fundit, për atë që skuadrat dhanë në fushën e lojës.
Përveç se në fushë, një spektakël tjetër ishte edhe në tribuna, ku tifozët e të dyja ekipeve u kujdesën për të bërë një performancë të shkëlqyer dhe në fakt ia dolën.
Shumë i kënaqur nga kjo sfidë ka mbetur edhe presidenti i Shqipërisë, Ilir Meta, i cili në një postim në faqen e tij zyrtare në “Facebook” shkruan se ndeshja mes Tiranës dhe Partizanit, i dhuroi kryeqytetit një ngjarje të jashtëzakonshme festive.
“Derbi historik Tirana-Partizani edhe mbrëmë i dhuroi kryeqytetit e mbarë sportdashësve një ngjarje të jashtëzakonshme festive, me emocione tepër të forta, falë spektaklit si të lojtarëve në fushën e blertë, ashtu edhe të tifozëve që shkëlqyen si përherë me koreografitë e tyre brilante.
Një falenderim special tifozëve të mrekullueshëm, për vëmendjen e tyre për Manifestimin Mbarëkombëtar të 2 marsit.”, shkruan Meta në postimin e tij.
PANORAMASPORT.AL
NDIQE LIVE "PANORAMA TV" © Panorama.al
