Deputeti i përjashtuar nga LSI-ja, Përparim Spahiu ka deklaruar në “Twitter” se nëse analisti Fatos Lubonja do të kishte parti, ai do të ishte pjesë e saj.
Lubonja deklaroi dje në “Ora News” se ka dyshime që ambasadori amerikan Donald Lu të jetë “blerë” nga Kryeministri Edi Rama.
Kjo deklaratë e tij, duket se është në të njëjtën linjë me deputetin Spahiu, i cili u përjashtua nga LSI pasi shprehu hapur mendimin se reforma në drejtësi duhet të miratohet patjetër me konsensusin e të dy palëve politike, dhe jo vetëm nga mazhoranca.
“Nëse Lubonja do ishte në parlament, do ti bashkohesha grupit te tij..!!!!”, shkruan Spahiu në Twitter.
NDIQE LIVE "PANORAMA TV" © Panorama.al