Dëmtimi që pësoi ndaj Vllaznisë e mbajti Ditmar Bicajn një muaj jashtë fushe, por mbrojtësi u dëmtua sërish në ndeshjen me Partizanin. I rikthyer dje nga dëmtimi, Bicaj sërish u lëndua dhe tashmë bëhet e ditur se do të rrijë jo pak, por 2-3 javë larg fushave.
Bicaj është një nga pikat e forta të mbrojtjes së Bylisit. Pas daljes së tij, ballshiotët pësuan edhe gol.
“Më vjen mirë që morëm një fitore të merituar, pasi këtë ndeshje e përgatitëm mjaft mirë dhe na duhej kthesa. Bylisi nuk i ka merituar humbjet me Skënderbeun dhe Kukësin nga loja që ka zhvilluar. Dëmtimi më mërziti sepse kisha javë që prisja të luaja. Pësova një lëndim, por shpresoj që të mos jetë i rëndë. Pas ekzaminimeve do ta mësoj më saktësisht. Inshallah kam fat dhe të jem gati në ndeshjen tjetër”, deklaroi Ditmar Bicaj pas ndeshjes së djeshme.
/PANORAMASPORT.AL/
NDIQE LIVE "PANORAMA TV" © Panorama.al
