Demi Lovato dhe Max Ehrich dhanë fund marrëdhënies së tyre gjashtë mujore, vetëm 2 muaj pasi aktori iu ul në gjunjë këngëtares duke i kërkuar të martohen së bashku.
Ish-çifti nuk bënë asnjë deklaratë pas ndarjes, derisa u bë publike nga mediat.
Të dy fshinë fotot me njëri-tjetrin nga rrjetet sociale, ndërsa Demi Lovato postoi një imazh ku shfaqet pa unazën e fejesës.
Por Max ka pretenduar se dëgjoi lajmin për ndarjes nga mediat.
“Imagjino të marrësh vesh statusin e marrëdhënies tënde nëpërmjet një tabloidi,”- shkroi aktori.
Por People raporton se në fakt ai e dinte që fejesa e tij me Demi Lovaton kishte marrë fund para se të dilte në media lajmi.
Këto raportime u hodhën poshtë nga Max, i cili reagoi sërish duke shkruar: “Isha në xhirimet e filmit tim të ri, kur kasti më pa duke hapur nga telefoni im një tabloid. Kjo është e vërteta, sesi e mora vesh për përfundimin e kësaj fejesë dhe kam dëshmitarë në sheshin e xhirimeve që panë se çfarë ndodhi dhe më ndihmuan të kthehesha në rol për të vazhduar punën time. Kisha mbështetjen e kastit dhe familjes për të rinisur punën.”
/Panoramaplus.al
