Ish drejtori i Arkivës në Ministrinë e Brendshme, Kastriot Dervishi, ka publikuar një dokument që mban firmën e Hekuran Isait, sipas të cilit në ushtrinë shqiptare është vërejtur fenomeni i homoseksualizmit.
Statusi i Dervishit
1986/Një ngjarje e vitit 1986 në ushtri dhe mënyra e dhënies së informacionit për publikun
Ushtria jonë popullore gjatë viteve të diktaturës kishte edhe probleme të llojit që shihen bashkëlidhur në dokumentin përkatës. Informacione të këtij lloji gjenden jo pak në arkivat e Shqipërisë. Për këto raste, sipas ligjit, përmendja e emrit të personit është e dhënë personale dhe si e tillë censurohet për publikun.
E gjej si shembull këtë rast për të vënë në dukje se censurime të dokumenteve që përmbajnë emrat e sekretarëve të parë të Partisë së Punës, apo punëtorëve operativë të Sigurimit, që po vërehen së fundmi në zyra që nuk janë arkiva, kurrkund nuk janë veprime të ligjshme. Këto lloj informacionesh nuk janë të dhëna personale.
