Terapistja e seksit në Hollywood, Amie Harwick është vrarë gjatë fundjavës. I dyshuari kryesor për vrasjen e Harwick është ish i dashuri i saj.
38-vjeçarja u gjet e vdekur në shtëpinë e saj të shtunën me lëndime në trup si pasojë e një rënie.
Policia mori njoftime se një grua në lagjen Harwick në Hollywood Hills po ulërinte.
Shoku i dhomës së terapistes së seksit u takua me oficerët në rrugë kur ata mbërritën.
Ai i tha policisë se Harwick ishte sulmuar brenda banesës së saj. Sipas dëshmisë shoku i dhomës kishte hipur mbi mur dhe shkoi tek banesat aty pranë për të kërkuar ndihmë.
Kur shkuan në banesë e gjetën në ballkonin e katit të tretë të plagosur rëndë dhe pa ndenja. Ajo u dërgua në spital, ku vdiq më vonë.
Ish i dashuri i saj Gareth Pursehouse është arrestuar si i dyshuar për vrasjen.
Pas hetimeve policia zbuloi se në banesë është hyrë me forcë dhe kishte shenja përleshje.
Harwick gjithashtu kishte kërkuar urdhër mbrojtje nga ish i dashuri.
Por urdhri i mbrojtjes kishte skaduar dhe ajo e pa Pursehouse dy javë para vdekjes së saj, sipas raportimeve të policisë.
Harwick ishte terapiste e njohur e seksit në Hollywood West, e specializuar në këshillat familjare dhe seksuale.
Ajo shfaqej rregullisht në televizione dhe kishte kanalin e saj të YouTube ku diskutonte për punën e saj,
Ish modelja e Playboy ishte gjithashtu një ‘avokate’ e prostitutave dhe mbështeti një organizatë jofitimprurëse që subvenciononte kujdesin shëndetësore mendor për aktoret në filmat për të rritur.
Harwick u fejua me Drew Carey, moderatorin e “The Price is Right” në vitin 2018 por u ndanë më pak se një vit më vonë.
NDIQE LIVE "PANORAMA TV" © Panorama.al