Deputeti i zgjedhur në zgjedhjet e 25 prillit, Agron Gjekmarkaj e ka konsideruar ish-sekretarin e Përgjithshme të Ministrisë se Brendshme, Plarent Ndrecën, një avokat të hajdutërisë elektorale.
I ftuar në emisionin “Open”, Gjekmarkaj u shpreh se mëkati i vetëm i Lulzim Bashës ishte se besoi se do të hynte në zgjedhja të lira e të ndershme me modelin më të korruptuar në Evropë.
Ndeca thotë se i kanë mërzitur shqiptarët me të njëjtin refren, ndërsa Gjekmarkaj e akuzoi se mbështet krimin dhe pushteti i PS është i bandave.
Debati:
Gjekmarkaj: Duhet të bëjë avokatin e hajdutërisë elektorale, e bën me krenari.
Ndreca: U vodhën tek ty në Lezhë?
Gjekmarkaj: Janë vjedhur.
Ndreca: Po pse e ke pranuar mandatin?
Gjekmarkaj: Ndreca gjuan me inteligjencë. Rama është hajdut i zgjedhjeve, e kam parë me sytë e mi se si tjetërsohet vota në Shqipëri.
Ndreca: Fakti që ne kemi ndryshuar kushtetutën, është për fajin tuaj që lëshuat institucionet dhe për këtë mban përgjegjësi.
Gjekmarkaj: E di cili është mëkati i Bashës, që menduam se mund të hyjmë me modelin më të korruptuar të Europës në zgjedhje të lira e të ndershme.
Ndreca: Ju në Lezhë keni bërë fitore. Nuk janë vjedhur votat dhe keni fantazi, prandaj keni 8 vite që thoni tjetër gjë sa keni mërzitur shqiptarët. Nëse nuk hyn juve në xhep, ju e deformoni, e fyeni dhe e përbaltni. Pse vetëm ju keni ndërgjegje? Ti mendon se unë funksionoj ashtu sic funksionon ti. Nuk flas për post.
Gjekmarkaj: A ke qenë kandidat për deputet?
Ndreca: Po.
Gjekmarkaj: Prandaj nuk duhet ta mbrosh, i di mirë vjedhjet që keni bërë.
Ndreca: Unë jam pjesë e shumicës shqiptare. Nuk keni lidhje me shqiptarët ju, keni të tjera objektiva, jeni shumë mbrapa.
Gjekmarkaj: Ju jeni futur kotec më kotec për tu bërë palë me krimin. Pushteti juaj është i bandave. Sot keni pushtetin prej tyre kudo në Shqipëri.
NDIQE LIVE "PANORAMA TV" © Panorama.al