Covid-19 nuk reziston në letrat e printuara. Pse maskat kirurgjikale janë më të “frikshme”. Çfarë zbulojnë shkencëtarët

| 23:21
SHPËRNDAJE

SARS-CoV-2, virusi që shkakton pandeminë COVID-19, mund të mbijetojë në maska kirurgjikale të fytyrës deri në shtatë ditë, pretendojnë shkencëtarët.

26495984-8160885-image-a-11_1585327590646

Koronavirusi i ri po studiohet me shpejtësi për të kuptuar se sa kohë mbetet i ngjitur në sipërfaqe të ndryshme dhe në kushte të caktuara. Një pjesë e hulumtimit nga Hong Kongu zbuloi se “një nivel i konsiderueshëm i virusit infektiv ende mund të zbulohej në shtresën e jashtme të një maskë kirurgjikale” pas shtatë ditësh. Por studiuesit amerikanë raportojnë se asnjë SARS-CoV-2 nuk u gjet pas 24 orësh në karton, duke treguar që përdorimi i shërbimit postar është relativisht pa rrezik.

Letra e printuar – përfshirë gazetat – e vret virusin në tre orë dhe ekspertët kanë njoftuar sot se gjasat e infeksionit nga mallrat që janë transportuar është e ulët.

Sot u zbulua nga Organizata Botërore e Shëndetit se njerëzit nuk kanë gjasa të kontaminojnë mallrat tregtare, përfshirë ato që dërgohen përmes postës.

Një deklaratë e OBSH-së lexonte: “Mundësia e një personi të infektuar që të kontaminojë mallra tregtare është e ulët dhe rreziku i kapjes së virusit që shkakton COVID-19 nga një paketë që është zhvendosur, ka udhëtuar dhe ekspozuar ndaj kushteve dhe temperaturave të ndryshme është gjithashtu e ulët”.

Numri global i vdekjeve nga pandemia koronavirus aktualisht është pothuajse 26,945 njerëz me më shumë se gjysmë milion raste të konfirmuara.

Një pjesë e hulumtimit e botuar në internet në “medRxiv”, një sit ku hulumtimet postohen përpara se të ekzaminohet nga akademikë të tjerë, në një proces të njohur si rishikim nga kolegët. Por gjetjet fillestare nga Alex Chin dhe kolegët e tij në Universitetin e Hong Kong zbuluan se virusi ishte shumë i qëndrueshëm për një periudhë të zgjatur në 4°C. Në temperaturën e dhomës mund të mbijetojë në nivele të larta për shtatë ditë nëse nuk trajtohet, por do të zhduket pas 14 ditësh. Kur inkubohet në 27°C – temperatura e trupit – zvogëlohet gjatë 24 orëve dhe është i pazbulueshëm më pas.

“Asnjë virus infektiv nuk mund të zbulohej pas një inkubacioni 30-minutësh në 56°C ose një inkubacioni 5-minutësh në 70°C”, vazhdojnë shkencëtarët.

“Për letrat e shtypura apo printuara, asnjë virus infektiv nuk mund të merret nga këto sipërfaqe pas një inkubacioni 3-orësh”.

Sot virologu George Lomonossoff tha në “BBC Radio” e Skocisë se gazetat janë me rrezik të ulët pasi ato janë ‘mjaft sterile’ për shkak të procesit të shtypjes dhe prodhimit.

Në hulumtimin e fundit, autorët vazhdojnë: “Asnjë virus infektiv në material copë nuk mund të rezitonte pas dy ditësh dhe në material çelik apo inoks nuk reziston pas 7 ditësh.

“Çuditërisht, një nivel i konsiderueshëm i virusit infektues ende mund të zbulohet në shtresën e jashtme të një maske kirurgjikale në ditën e shtatë, duke treguar që SARS-CoV-2 është jashtëzakonisht i qëndrueshëm në këtë sipërfaqe”.

Shkencëtarët zbuluan se kur trajtoheshin me ndonjë formë dezinfektuese, të gjitha sipërfaqet ishin pa viruse brenda pesë minutave.

Një tjetër studim i kohëve të fundit, këtë herë botuar në revistën prestigjioze “New England Journal of Medicine”, e krahasoi virusin shkaktues të COVID-19 me SARS, i cili vrau 774 njerëz pothuajse 20 vjet më parë.

Këta studiues shkruajnë: “SARS-CoV-2 ishte më i qëndrueshëm në plastikë dhe çelik inox se në bakër dhe karton, dhe virusi u zbulua deri në 72 orë pas aplikimit në këto sipërfaqe. Në bakër, nuk u mat asnjë SARS-CoV-2 aktiv pas 4 orësh dhe në karton, nuk u mat asnjë SARS-CoV-2 aktiv pas 24 orësh.”

 

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.