Treshja e ëndrrave e sulmit të Liverpulit, Salah-Firmino-Mane, mund të shndërrohet shumë shpejt në një kujtim në “Anfield”.
Me largimin e senegalezit drejt Bajernit dhe egjiptianin në skadencë kontrate në 2023-shin pa asnjë shpresë rinovimi, edhe Roberto Firminon mund ta shohim shumë shpejtë larg Liverpulit, sipas ish-mesfushorit të “Reds”-ave, Stjuart Dauning.
Klop ka transferuar Luis Diazin dhe Darvin Nunjezin për të zbutur tranzicionin në sulmin e tij, ndërsa sulmuesi brazilian duket se e ka humbur shkëlqimin e tij sezonin e fundit.
“Roberto nuk luajti aq sa do të kishte dashur. Nga titullar u kthye në një rezervë. Ky është cikli i futbollit. Diogo Zhota erdhi dhe i surprizoi të gjithë. Unë pres që Darvini të shkëlqejë, ndërsa Firminon e shoh zëvendësuesin e tij.
Nëse ata arrijnë ta kthejnë Bobin në formën e disa sezoneve më parë, do të jetë një tjetër dimension për Liverpulin, por ndoshta ky do të jetë viti i fundit i tij në Liverpul, ose ndoshta largohet që në janar”, tha Dauning.
PANORAMASPORT.AL
NDIQE LIVE "PANORAMA TV" © Panorama.al
