Në natën më të rëndësishme të filmit në botë, Leonardo Di Caprio arriti te fitojë çmimin për aktorin më të mirë, për lojën e tij në filmin “The Revenant”.
Ky ishte nominimi i tij i pestë për çmimin Oscar, në këtë kategori, dhe kjo është hera e parë që ai del fitues.
Nga ana tjetër, Brie Larson fitoi çmimin për aktoren më të mirë, për rolin e saj në filmin “Room”, ndërsa Alejandro Inarritu u shpall regjisori më i mirë, për filmin “The Revenant”.
Në ceremoninë e 88-të të ndarjes së çmimeve Oscar, “Spotlight”, u shpall filmi fitues i kësaj mbrëmjeje.
Filmi kosovar “Shok”, me regji dhe skenar të Jamie Donoughue, nuk ka arritur të shpallet fitues i çmimit prestigjioz Oscar, në kategorinë e filmit më të mirë të shkurtër, “Live Action Short Film”.
Në këtë kategori triumfoi filmi i shkurtër irlandez, Sttuterer.
“Shok” është filmi i parë kosovar që arriti ta fitojë një nominim për çmimin Oscar, duke shënuar kështu një arritje të madhe në historinë e kinematografisë kosovare.
Ngjarja në këtë film zhvillohet gjatë periudhës së luftës në Kosovë, derisa dy shokë vënë në provë shoqërinë e tyre, gjatë luftës për mbijetesë.
CMIMET
Aktori më i mirë- Leonardo DiCaprio, “The Revenant”
Filmi më i mirë me metrazh të shkurtër-“Stutterer,” Benjamin Cleary and Serena Armitage
Aktorja më e mirë- Brie Larson, “Room”
Aktori më i mirë dytësor- Mark Rylance, “Bridge of Spies”
Aktorja më e mirë dytësore- Alicia Vikander, “The Danish Girl”
Regjisori më i mirë- Alejandro G. Iñárritu me “The Revenant”
Skenari më i mirë – “Spotlight,” nga Josh Singer dhe Tom McCarthy
Skenari më i mirë i përshtatur-“The Big Short,” Charles Randolph dhe Adam McKay
Dizanji më i mirë-“Mad Max: Fury Road,” Jenny Beavan
Filmi i huaj më i mire- “Son of Saul”
Kolona zanore më e mirë- “The Hateful Eight”
Muzika, kënga origjinale- “Writing’s On The Wall”
Filmi i shkurtër i animuar- “Bear Story”
Filmi i animuar- “Inside Out”
Dokumentari më i mirë- “AMY”
Kostumografia më e mirë- “Mad Max: Fury Road”
Produksioni më i mirë- “Mad Max: Fury Road”
Grimi dhe stilimi më i mirë i flokëve- “Mad Max: Fury Road”
Editimi më i mirë- “Mad Max: Fury Road”
Editimi i zërit- “Mad Max: Fury Road”
Miksimi i zërit “Mad Max: Fury Road”
Efektet vizuele- “Ex Machina”
NDIQE LIVE "PANORAMA TV" © Panorama.al