Në një kohë që të gjithë po këshillohemi të marrim një dozë shtesë ditore vitamine D këtë periudhë, për të mbajtur kockat dhe muskujt të shëndetshme, një ekip ekspertësh thonë se nuk ka prova të mjaftueshme që suplementet e vitaminës D t’i mbrojnë njerëzit nga Covid-19.
BBC citon ekspertët e ekipit që përbëhej nga Instituti Kombëtar për Shëndetin dhe Përsosmërinë e Kujdesit, Shëndeti Publik Anglez dhe Komitetin Këshillimor Shkencor për të Ushqyerin, të cilët thanë se duhen më shumë kërkime për efektin e vitaminës D në organizëm kundër koronavirusit.
Zyrtarët shëndetësorë kryen një rishikim të shpejtë të provave mbi lidhjen që ekziston mes vitaminës D dhe Covid-19, pasi një numër i vogël studimesh kishin sugjeruar se mund të luante një rol në përgjigjen imune të trupit ndaj viruseve që prekin aparatin e frymëmarrjes.
Ata zbuluan se kishte “prova të pamjaftueshme” për ta rekomanduar vitaminën D për parandalimin ose trajtimin e sëmundjes.
Ekspertët shëndetësorë të cilët studiuan provat thanë se ishin të nevojshme më shumë prova para se të arrinin në ndonjë përfundim.
Dr Paul Chrisp, tha: “Ne po vazhdojmë të monitorojmë provat ndërsa ato janë botuar dhe do të rishikojmë dhe azhurnojmë udhëzimet nëse është e nevojshme.”
Prof Adrian Martineau, tha se kishte një shans që vitamina “mund të zvogëlojë rrezikun dhe / ose ashpërsinë e Covid-19” dhe provat klinike aktualisht në progres do të “shpresojnë të hedhin dritë mbi kjo pyetje “.
Marrja e vitaminës D është veçanërisht e rëndësishme këtë dimër për shkak të kohës që njerëzit kanë kaluar në shtëpi duke u izoluar dhe mbrojtur nga koronavirusi.
Kjo do të thotë që ata mund të mos marrin mjaftueshëm vitaminë D nga rrezet e diellit – një burim kryesor i kësaj vitamine.
NDIQE LIVE "PANORAMA TV" © Panorama.al
