Nipi i Mbretëreshës Elizabeth II, London, Earl of Snowdon, ka njoftuar se do të ndahet nga bashkëshortja pas 26 vitesh martesë.
David Armstrong-Jones, djali i princeshës së ndjerë Margaret dhe bashkëshortja e tij Serena kanë rënë dakord me marrëveshje për tu ndarë, sipas një zëdhënësi të çiftit.
Ndërsa i kanë kërkuar shtypit të respektojnë privatësinë dhe familjen e tyre.
“Ata ranë dakord miqësisht se martesa e tyre ka përfunduar dhe do divorcohen,”- tha zëdhënësi.
Lajmi vjen disa ditë pasi nipi më i madh i Mbretëreshës, Peter Philips dhe bashkëshortja e tij Autumn njoftuan se po ndaheshin gjithashtu.
David është në vendin e 21 në radhën për fronin britanik dhe është i pari anëtar i familjes mbretërore që nuk është pasardhës i drejtpërdrejtë i Mbretëreshës.
Ai ka themeluar dyqanin e mobilieve luksoze Linley. Mamaja e tij, Princesha Margaret, vdiq në 2002 ndërsa babai i tij Antony Armstrong-Jones, fotografi i famshëm që u bë Earl i parë i Snowdon kur u martua në familjen mbretërore, vdiq në 2017.
Ndërsa çifti u martua së bashku në tetor 1993 dhe kanë dy fëmijë së bashku.
