Çfarë nënkuptojnë në të vërtetë këto tetë sjellje të çuditshme të fëmijëve? Ja ç’duhet të dini

| 13:57
SHPËRNDAJE
 

Ndonjëherë duket sikur fëmijët tërhiqen ndaj papastërtive për t’i ngrënë. Për të rriturit, kjo dhe shumë gjëra të tjera që fëmijët bëjnë, mund të duken të çuditshme dhe të pashpjegueshme.

Për shembull, mund të pyesni veten se përse fëmija e tund kokën mbi krevat para se të flini.

Sipas “Bright Side” ekziston një arsye që fëmijët i bëjnë këto gjëra. Dhe mos u shqetëso, nuk është vetëm fëmija yt- shumë fëmijë i bëjnë këto!

  1. Mbajnë frymën

fëmijët (2)

Gjatë mbajtjes së frymës, fëmija mund të qajë dhe pastaj të ndalojë frymëmarrjen deri në 1 minutë, të bëhet i ngurtë, të kthehet në blu ose gri dhe madje edhe të zbehet për disa minuta. Dhe besojeni apo jo, në të vërtetë nuk është diçka që mund ta kontrollojnë. Këto episode mund të ndodhin, sepse fëmija juaj është i zemëruar, i mërzitur, i frikësuar, i tronditur ose ndjen dhimbje. Edhe pse mund të duket e frikshme, zakonisht është e padëmshme dhe këto episode ndalojnë të shfaqen në moshën 4 ose 5 vjeç.

  1. Heqin rrobat vazhdimisht

fëmijët (6)

Fëmijët nuk ndihen të turpëruar kur janë të zhveshur. Prandaj nuk është problem që t’i heqin rrobat në çdo kohë, kudo, madje edhe në vende publike. Ata mund ta bëjnë këtë, sepse rrobat janë të pakëndshme ose, sepse ndjehen të nxehtë. Një arsye tjetër është se ata thjesht kanë mësuar ta bëjnë atë vetë, kështu që është një aftësi e re që i bën të ndihen më të pavarur.

  1. Pijnë ujin në dush

fëmijët (7)

Fëmijët mund të mos e kuptojnë që uji në dush është i ndryshëm nga uji i pijshëm. Dhe meqenëse luajnë gjatë kohës së dushit, uji është një pjesë e tij, kështu që mund ta konsiderojnë kënaqësi pirjen e tij.

  1. Bëjnë zhurmë duke përplasur kokën

fëmijët (3)

Disa fëmijë përplasin kokën tek krevati apo e zhysin atë në jastëk kur flejnë apo edhe në mes të natës. Rreth 15% e fëmijëve e bëjnë atë. Ndërkohë që disa e konsiderojnë këtë si çrregullim, të tjerë besojnë se është një lloj sjelljeje vetë- qetësuese, si thithja e gishtit për shembull. Në çdo rast, zakonisht është e padëmshme dhe zhduket vetë, kështu që nuk nevojitet trajtim.

  1. Vendosin gjëra në hundë, veshë dhe sy.

fëmijët (5)

Fëmijëve u pëlqen të eksplorojnë botën. Kështu që kur futin gjëra të vogla në veshë, hundë dhe sy, ata eksperimentojnë me objekte të ndryshme. Ata thjesht duan të shohin se si funksionojnë dhe çfarë mund t’u ndodhë.

  1. Ngrënia e sendeve të çuditshme

fëmijët (4)

Fëmijët mund të hanë pothuajse çdo gjë – nga këpucët, insektet e deri tek papastërtia.

  1. Tërheqin flokët e tyre

fëmijët (8)

Fëmijët nën 2 vjeç mund të rrotullohen ose të tërheqin flokët për t’u qetësuar. Ata gjithashtu mund ta bëjnë këtë, sepse janë të mërzitur. Deri në moshën 3 vjeç, ata mësojnë të vërejnë se si reagojnë prindërit e tyre ndaj veprimit dhe kjo mund të bëhet pjesë e sjelljeve që kërkojnë vëmendje.

  1. Dëshirojnë t’u lexoni të njëjtin libër pa pushim

fëmijët (1)

Dëgjimi i një historie që tashmë e dinë, mund t’i ndihmojë të ndihen nën kontroll. Dhe ky kontroll u jep një ndjenjë rehatie. Ata e dinë që prindi do t’u lexojë një libër para se të flenë dhe e dinë se si rrjedh historia, kështu që mund të qetësohen dhe të flenë.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.