Modelja e njohur, Amelia Hamlin u fotografua nga paparacët me buzë të nxira dhe të mavijosura, duke shqetësuar kështu të gjithë fansat e saj.
19-vjeçarja u pa duke ecur në rrugët e Miamit me të dashurin e saj 37-vjeçar, Scott Disick (ish-bashkëshorti i Kourtney Kardashian) dhe me vajzën e tij, Penelope, por vëmendjen e mori buza e nxirë, shkruan “Daily Mail”.
Nuk dihet nëse kjo ka ardhur si rezultat i një procedure estetike. Nëna e Amelia-s, Lisa, e cila është 57 vjeç, tregoi një vit më parë që i kishte fryrë buzët me mbushës (fillers) rreth moshës 20 vjeç dhe duket se vajza e saj tashmë po bën të njëjtën gjë.
Injeksionet në buzë, që i bëjnë ato më të trasha dhe më të plota, janë bërë jashtëzakonisht të njohura dhe të zakonshme tek personat e famshëm.
Injeksionet mund të bëhen kryesisht nga acidi hialuronik dhe mund të kryhen vetëm në disa minuta, por ndonjëherë mund të shkaktojnë mavijosje.
Amelia nuk ka reaguar nëse i është nënshtruar ndonjë operacioni kozmetik në të kaluarën, por ka zbuluar se dikur i është nënshtruar operacionit të gjoksit për ta zvogëluar atë. Kjo ka ndodhur gjatë moshës 16-vjeçare dhe modelja e ka përshkruar atë si eksperiencën më të keqe ndonjëherë.
NDIQE LIVE "PANORAMA TV" © Panorama.al