As Ledri Vula nuk i ka shpëtuar momenteve të sikletshme në skenë! Këngëtari ka pësuar një incident të vogël, i cili është publikuar në rrjete sociale nga kolegu i tij, Butrint Imeri.
Në imazhet që Imeri ndau me ndjekësit në llogarinë e tij në Instagram, Ledri shihet teksa hyn në skenë dhe në një moment këmbët i rrëshqasin, por fatmirësisht, arrin të ruajë ekuilibrin dhe vazhdon të këndojë normalisht.
“Keq e kishin lon plloqen (pllakën në skenë)”, shkroi Ledri krahas videos, duke treguar se e ka gjetur “fajtorin” që e bëri të humbasë ekuilibrin para fansave.
Tashmë që është bërë baba, në rrjetet sociale të Ledrit nuk mungojnë foto me vajzën e tij, Poem Blu. Këngëtari dhe partnerja e tij, Sara Hoxha, u bënë prindër për herë të parë vitin e kaluar.
Herë pas here, pjesë e koncerteve të këngëtarit janë edhe Sara dhe Poem Blu, të cilat janë kthyer në fansat më të mëdha të tij.
