“Çfarë do ndodhte sikur Grida të ishte në PS?”/ Duma: Nuk do ta ndërroja kurrë një njeri si Basha! Në korridore nuk kemi dëgjuar një grua të vetme që të mos thotë…

Mar 12, 2021 | 12:17
SHPËRNDAJE

Kandidatja për deputete e PD-së Grida Duma ka deklaruar sot nga Durrësi se nuk mund të ndodhte kurrë që ajo të ishte në PS, jo vetëm për shkak të bindjeve, por edhe të cilësive të Lulzim Bashës si lider dhe njeri.

Grida Duma rrëfen se gjatë 11 viteve rrugëtimi profesional ka vënë re respektin absolut me të cilin Lulzim Basha sillet me gratë dhe jo vetëm.

“Diku këtyre dy ditëve lexova një solidaritet ndaj meje, personal, sikur Grida Duma të ishte në PS çfarë do të ndodhte? Thashë nuk do të mund të ndodhte kurrë të isha në PS. Jo vetëm sepse zgjedh të jem e djathtë.

Por sepse nuk besoj do ta ndërroja kurrë një individ, një njeri, nuk dua të them kryetarin e PD, një njeri si Lulzim Basha, me të cilin 11 vite në rrugëtim profesional, kam parë se si jo vetëm ndaj meje por ndaj çdo individi tjetër është njeriu që njeh respektin absolut.

Që do të thotë në korridorin e asaj që quhet seli partie apo ministrie nuk kemi dëgjuar një herë të vetme të mos thotë një grua, sa është xhentëllmen, sa i fisshëm, edhe këtë nuk e them për kompliment. Sot është dita dhe nuk kam arsye pse mos ta them. Duhet t’i japësh gruan respektin dhe ndjesinë e një qenie që sjell jetën”, u shpreh Duma në fjalën e saj.

Deklaratat e Grida Dumës vijnë pas fotos së publikuar nga kryeministri Edi Rama, ku kandidatja për deputete e PD-së shfaqet duke bërtitur me mikrofon në dorë, e cila u konsiderua si e papërshtatshme dhe seksiste nga një pjesë e opinionit publik.

 

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/