Century 21 Albania – Drejt Suksesit
Një dekadë kushtuar pasurive të shqiptarëve!
Më datë 4 Tetor 2018, kompania më e madhe e pasurive të paluajtshme në botë “Century 21”, celebroi 10 vitet e para të eksperiencës së saj në Shqipëri. Ky event që bëri bashkë bashkëpunëtorë të vjetër e të rinj erdhi nën moton “Drejt Suksesit”, rrugëtim ky i nisur nga zyra mëmë dhe që ndiqet me përpikmëri të kalibruar nga të gjitha zyrat franchise nën logo e “C21” së famshme.
Duhet thënë se ky ka qenë një vit shumë interesant për kompaninë, me një premierë botërore të logos së re ditën t’i ofrojnë botës, duke përfshirë këtu edhe Shqipërisë, sigurinë e një brandi që gjithçka e ka të lidhur me objektivat e qarta të suksesit.
Ky event shërbeu gjithashtu për të krijuar një lidhje më të fortë të rrjetit të konsulentëve imobiliarë që siç edhe CEO i Century 21 në Shqipëri Jonian Antoni thotë janë plot 1000 agjentë që kanë shërbyer përgjatë viteve në të gjithë Shqipërinë. Dëshmi e arritjeve të këtyre viteve janë edhe 24 zyra në Shqipëri, 3 në rajon, të cilat i shërbejnë plot 10,000 klientëve.
“Century 21 Albania” e ka shtruar tashmë rrugën e gjatë të suksesit, e kjo e ka një arsyetim me baza të forta si gur themeltar i një biznesi që synon të jetë jetëgjatë dhe shumë premtues.
