Cardi B ka paraqitur kërkesat për divorc nga bashkëshorti i saj Offset, pas tre vitesh martesë.
Reperja, emri i vërtetë i së cilës është Belcalis Marlenis Almanzar, u martua me këngëtarin Offset, në një ceremoni sekrete në shtator 2017 dhe kanë një vajzë të quajtur Kulture.
27-vjeçarja paraqiti kërkesën për divorc të martën.
Ndërkohë raportohet se kjo kërkesë është kontestuar na 28-vjeçari.
Reperja po kërkon “kujdestarinë fizike parësore” të vajzës së tyre 2-vjeçare, ndërsa dëshiron që Offset të kontribuojë në mirëmbajtjen e saj dhe shpenzimet ligjore.
Në dokumentet e divorcit, shkruhet se martesa e tyre është dëmtuar në mënyrë të pakthyeshme.
Kjo nuk është hera e parë që çifti janë ndarë. Në vitin 2018, Cardi B shkroi në një postim në Instagram se nuk janë më bashkë, por u pajtuan më vonë.
/Panoramaplus.al
