Cardi B i dha fund martesës 3-vjeçare me Offset vetëm pak javë më parë.
Në media, përveç tradhtisë, qarkulluan lajme se ish-partneri i saj po pret një fëmijë me një grua tjetër. Në lidhje me këtë ngjarje, ka folur vetëm një burim i afërt i këngëtares, por jo ajo vetë!
Megjithatë, kjo nuk zgjati shumë! Sipas “Billboard”, nëpërmjet një videoje live në Instagram, ajo është shprehur se ndihet mirë dhe se nuk ka derdhur lot për divorcin.
Duke ju përgjigjur mbështetjes së madhe që ka marrë nga fansat, Cardi u shpreh: “Dua t’ju them shumë faleminderit! Megjithatë, nuk kam nevojë për mbështetje. Jam mirë. Dua të dini që nuk kam derdhur asnjë lot. Këtë herë nuk kam qarë. Doni ta dini pse? Sepse divorci im nuk erdhi për shkak të asnjë nga ngjarjeve që kanë ndodhur më parë. Nuk ka lidhje me tradhtinë”, tha Cardi B, përpara se të hidhte poshtë zërat se Offset do të bëhet baba”.
Fituesja e çmimit “Grammy” ka zbuluar arsyen pse vendosi që këtë herë ta përfundonte marrëdhënien me Offset.
“Thjesht u lodha nga argumentet. U lodha nga mos ballafaqimet në sy. Kur e ndjen që nuk është më njësoj si më parë, përpara se të tradhtohesh, më mirë të jem… e dini çfarë dua të them? Jam e lodhur nga njerëzit”, është shprehur reperja.
Në mënyrë kategorike ajo ka mohuar fjalët se është divorcuar për t’i bërë publicitet albumit të saj të ardhshëm, duke u shpreshur se nuk do e shiste familjen e saj për asgjë në botë.
Tashmë, ata do të ndjekin seancat gjyqësore për kujdestarinë e vajzës, Culture.
NDIQE LIVE "PANORAMA TV" © Panorama.al