Capital T është padyshim një ndër reperët më të suksesshëm dhe një ndër djemtë më të bukur dhe të lakmuar nga vajzat.
Ai është treguar gjithmonë shumë i rezervuar për jetën private. Por, së fundmi, në një intervistë për revistën “Story”, ai ka hapur zemrën si rrallëherë.
I pyetur se kur do të vijë momenti që të mos jetojë më vetëm, reperi është përgjigjur duke thënë se nuk mendon që ka një moshë rreth këtyre vendimeve, si bashkëjetesa, fejesa apo martesa.
“Ato ndodhin në momentin që i ndjen, që je i gatshëm t’i marrësh ato përgjegjësi dhe e ke personin e duhur që ta ofron dashurinë dhe i tejkalon të gjitha për ty. Dashuria ekziston dhe si një njeri i gjallë, kam përjetuar edhe fluturat”,- ka rrëfyer Capital T.
Përsa i përket anës profesionale, reperi shprehet se synimi i tij është që muzika shqiptare të dëgjohet kudo në botë, duke thënë edhe se qëllimet e tij i ka arritur.
