Një 44-vjeçar nga Tirana është arrestuar nga policia sot, pasi akuzohet për dhunë në familje dhe armëmbajte pa leje. Në momentin e arrestimit i është gjetur një armë e tipit automatikë dhe municione të ndryshme.
Njoftimi i plotë
Arrestohet një shtetas për veprat penale “Armëmbajtje pa leje ” dhe “Dhunë në familje”.
Sekuestrohet një armë zjarri gjysmë automatike.
Më datë 06.12.2017, u arrestua në flagrancë shtetasi Çlirim Lami, 44 vjeç, banues në fshatin Mazrek Tiranë, pasi:
Rreth orës 20:00, në fshatin Mazrek, në banesë, ka ushtruar dhunë fizike, duke i shkaktuar dëmtime bashkëshortes së tij, A.L., 35 vjeçe, banuese në fshatin Mazrek, Tiranë, së cilës ju plotësua kërkesë – padia për lëshimin e urdhrit të mbrojtjes së menjëherëshme.
Pas kontrollit të ushtruar në banesë iu gjet dhe sekuestrua në cilësinë e provës materiale:
• 1 (një) armë zjarri gjysmë automatike me nr: 10343718
• 73 (shtatëdhjetë e tre) copë fishekë model 54, kalibër 7.62 mm
• 69 (gjashtëdhjetë e nëntë) copë fishek model 56, kalibër 7.62 mm
• 2 (dy) krehëra fishekësh.
Materialet për këtë shtetas i`u referuan Prokurorisë së Rrethit Gjyqësor Tiranë, për veprat penale “Prodhimi dhe mbajtja pa leje e armëve luftarake dhe e municionit”, dhe “Dhuna në familje”, parashikuar nga nenet 278, dhe 130/a e Kodit Penal.
NDIQE LIVE "PANORAMA TV" © Panorama.al