Pista të shumta hetimi rreth vrasjes misterioze të John Palmer , njërit prej mafiozëve më të njohur gjatë viteve 80-90 në Britaninë e Madhe, gjetur pa jete ne kopshtin e baneses se tij.
Mes tyre, mediat e huaja, referuar hetuesve që po merren me rastin kanë listuar edhe vrasjen nga mafia shqiptare dhe kosovare, rrjet kriminal që sipas “Daily Mail”, vepron në zonën e ishujve kanarie në Spanjë, aty ku viktima kishte ndërtuar një pjesë të perandorisë së tij.
“Ky grup kontrollon trafikun e lëndëve narkotike në ishujt kanarie dhe dyshohet se ndoshta një mosmarrëveshje biznesi , mund të ketë dërguar në vrasjen e John Palmer”- shkruan “Daily Mail”.
Palmer, 64-vjeç, u gjet pajetë të mërkurën e shkuar pranë banesës së tij. Fillimisht u fol për një vdekje nga zemar, e më pas ekspertiza provoi se ai ishte qëlluar me armë zjarri. Ai listohej nje nga njerezit me te pasur ne vitet 90 me nje pasuri rreth 300 milione paund britanike.
NDIQE LIVE "PANORAMA TV" © Panorama.al
