Numri i shtetasve të BE që largohen nga Mbretëria e Bashkuar ka arritur në nivelin më të lartë për një dekadë me 130,000 emigrantë në vit deri në shtator, raporton BBC.
Por 220,000 shtetas të BE-së u shpërngulën në Britani për të njëjtën periudhë, zbuloi Zyra për statistika kombëtare.
Kjo do të thotë që migrimi neto i BE-së – dallimi në mes të ardhurëve dhe largimeve- ishte 90,000 shtetas, më i ulëti për pesë vitet e fundit, shkruan shqip. ONS tha se Brexit mund të jetë një nga faktorët vendimtar, që ka shtyrë njerëzit të braktisin Britaninë.
Nicola White, shefja e statistikave të migracionit ndërkombëtar në ONS, tha se migrimi ishte i komplikuar dhe mund të ndikohet nga shumë arsye të ndryshme. Shifrat gjithashtu tregojnë se më shumë njerëz britanikë po emigrojnë sesa po kthehen për të jetuar në Britaninë e Madhe. Nga ata shtetas të BE që vijnë në Britani, më pak vinjnë për “arsye të lidhura me punën”, në veçanti për të “kërkuar punë”.
Më shumë studentë
Në të kundërt, emigracioni nga vendet jashtë Bashkimit Evropian po rritet, që do të thotë se popullsia e Britanisë së Madhe po vazhdon të rritet në një nivel të ngjashëm deri në fillim të vitit 2014.
Rreth 285,000 shtetas që nuk janë anëtarë të BE hynë në Britaninë e Madhe në periudhën 12-mujore deri në shtator dhe 80,000 u larguan.
Kjo jep një rritje neto prej 205,000, më e larta për gjashtë vitet e fundit. Korrespondentja e punëve të brendshme të BBC, Danny Shaë tha se kjo ishte kryesisht e shtyrë nga fluksi i njerëzve që vijnë për të studiuar në Britani të Madhe.
Çfarë shpjegimi mund të ketë për rënien e migrimit të BE-së, përveç Brexit? Në dy vite përpara referendumit të qershorit 2016, numri i shtetasve të BE që mbërrinin në Britani ishte i qëndrueshëm, në rreth 240,000 deri në 280,000.
Por çdo tremujor që nga ajo kohë ka shënuar rënie, nga 284,000 në 220,000. Nëse është një ndjenjë që qytetarët e BE nuk kërkohen në Mbretërinë e Bashkuar, pasiguria në lidhje me të ardhmen e tyre apo rritja relativisht e madhe e ekonomive të tjera të BE-së, ka pasur një zhvendosje të dukshme nga brigjet e Britanisë.
NDIQE LIVE "PANORAMA TV" © Panorama.al
