Një ndërlidhës droge me 150,000 £ kanabis u përpoq të shmangte policët në një autostradë duke kërcyer nga makina e tij në lëvizje.
Andi Deliu, 25 vjeç, u arratis nëpër gjashtë korsi të trafikut në autostradën M74, pasi iu kërkua të ndalej.
Një gjykatë dëgjoi se oficerët u detyruan të ndiqnin tregtarin shqiptar pranë Dumfries. Deliu u fsheh në pyll për gjysmë ore, pastaj vuri përsëri automobilistët në rrezik me një ndjekje tjetër në rrugën e zënë para se të kapej, shkruan “The Sun”.
Ai u dënua me dy vite burg gjatë ditës së djeshme. Ai i tha policisë se ishte paguar 750 £ për të transportuar drogën përtej kufirit më 13 qershor.
Duke e burgosur, ligjvënësi Brian Moham tha: “Unë duhet të marr parasysh vlerën e drogës që po transportonit dhe veprimet që ndërmorët kur i shmangeni policisë. Përpjekja për të shtrembëruar kursin e drejtësisë është jashtëzakonisht serioze në këtë rast sepse keni lënë një automjet ndërsa ishte ende në lëvizje. Kjo ju vë në rrezik ekstrem ju, shoferët dhe oficerët e tjerë.”
Deliu pranoi muajin e kaluar akuzat dhe se ishte i shqetësuar për atë që kishte ndodhur. Ai gjithashtu u gjobit me 500 £ pasi ishte në Mbretërinë e Bashkuar në mënyrë të paligjshme – dhe pritet të deportohet pas dënimit të tij.
Deliu, nga Sunderland, u kap në kurth si pjesë e operacionit evropian që zbuloi serverat e rrjetit të telefonisë EncroChat.
LEXO EDHE:
NDIQE LIVE "PANORAMA TV" © Panorama.al