Banda e trafikantëve që u shkatërrua të hënën në Itali (Siçili), ku mes të arrestuarve është edhe Moisi Habilaj, i përfolur si kushëriri i ish-ministrit të Brendshëm Saimir Tahiri, është banda e parë në Shqipëri që ka futur trafikun e drogës me avionë. Kështu tha sot në emisionin “Studio e Hapur” të gazetares Eni Vasili, gazetari Artan Hoxha, i cili nënvizoi se prokurorët italianë nuk kanë gjetur mbështetje nga pala shqiptare për të goditur këtë bandë të rrezikshme që ka të paktën një dekadë që funksionon.
“Në Shqipëri e panë që nuk mund të kishin sukses dhe goditën në Itali. Një prokuror i Katanias erdhi disa herë, por dosja e përgjimeve që kanë në këtë rast autoritetet italiane, vetëm ata e kanë…njihet si grupi i rrjedhës së poshtme të Vjosës, janë me origjinë nga Labëria, përfshin Vlorën, Tepelenën, disa zona periferike të Gjirokastrës.
Janë 5 grupe që koordinojnë veprimet me njëra-tjetrën, nga Vlora në Gjirokastër.
Një nga dyshimet është se kemi të bëjmë me Moisi Habilajn, është më tepër me një kartel që është shumë i fuqishëm, s’është kollaj për t’u goditur, ka ekzistuar prej 1 dekade,
mund të ndikojnë në fushata elektorale…Ky grup ka bërë trafik narkotikësh me avione dhe është grupi i parë që e ka futur që kur ka qenë zona e Lazaratit, është grup goxha i fuqishëm. Personi i cili ka dalë publikisht është Dritan Habilaj që ka deklaruar që unë jam kushëri i Saimir Tahirit, që ia kam blerë makinën, ia kemi lënë dy herë ta përdori dhe në rastin konkret është i arrestuar Moisi Habilaj që është kushëri i Dritan Habilajt dhe Tahiri ka reaguar e thotë hetimet të nxjerrin deri ku janë të përfshirë”.
Moisi Habilaj është kushëri i Saimir Tahirit dhe emri i tij është përmendur edhe para 2 vitesh kur Tahiri i shiti makinën për të cilën opozita tha se ka shërbyer disa herë për të trafikuar drogë.
NDIQE LIVE "PANORAMA TV" © Panorama.al