Një bilioner rus, që jeton në Londër, ishte ankuar se jahti i tij që i kushtoi 15 milion paund dhe ishte 47 metra, ishte shumë i vogël për familjen e tij me 6 anëtarë .
46-vjeçari Kirill Pisarev, bilioneri më i ri rus, ia shiti këtë jaht ‘të vogël’ një tjetër pasaniku rus në vitin 2012, me një vlerë prej diçka më shumë se 15 milion paund.
Pas kësaj ai porositi një jaht të ri, i cili do t’i kushtojë 20 milion paund dhe do të jetë 55 metra dhe do të ketë hapsië të mjaftueshme për familjen e tij, shkruan ‘Daily Mail’.
Por një problem i ka lindur këtij bilioneri i cili është paditur nga blerësi i jahtit të parë pasi sipas tij, Pisarev i detyrohet edhe 615 mijë paund për komisionin e marrëveshjes. Edhe pse kjo padi ishte hedhur poshtë nga gjykata e Lartë në Londër në vitin 2014, blerësi i jahtit e ka ngritur edhe një herë padinë dhe tashmë çështja ka kaluar në gjykatën e Apelit.
Mediat kanë arritur të sigurojnë pamje nga jahti i bilionerit rus…. jaht ky që e bëri të përfundonte në Gjykatë.