Një 40-vjeçar nga fshati Tragjas i Orikumit u arrestua nga policia e Vlorës pasi akuzohet se ka shantazhuar një femër të cilës i kërkonte një shumë parash.
Policia tha se pas denoncimit të gruas, ka arrestuar shtetasin me tre identitete, për të cilin jep inicialet A. Xh. alias R. R. alias E. R.
40-vjeçari ishte shpallur në kërkim për veprën penale “Shtrëngimi me anë të kanosjes ose dhunës për dhënie pasurie”
Njoftimi i Policisë:
Specialistët për Hetimin e Krimeve kundër Personit dhe Pronës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin A. Xh. alias R. R. alias E. R., 40 vjeç, banues në fshatin Tragjas, Orikum, i shpallur në kërkim për veprën penale “Shtrëngimi me anë të kanosjes ose dhunës për dhënie pasurie”, pasi dyshohet se ka kanosur dhe shantazhuar një shtetase, me qëllim përfitimin e një shume parash prej saj.
NDIQE LIVE "PANORAMA TV" © Panorama.al