Silvio Berlusconi mbrëmë ka marrë pjesë në një takim elektoral të organizuar nga kandidati i majtë që garon për zgjedhjet për Qytetin e Segrate (Milano).
Sipas “Ansa”, Berlusconi qëndroi atje për rreth pesë minuta “para se të kuptonte se ishte ne vendin e gabuar dhe se takimi elektoral nuk ishte për kandidatin e qendrës.
“Si quhet kandidati”- i pyet Berlusconi të pranishmit. “Paolo!”- u përgjigjen ata.
“Paolo? Në rregull, të dielën gjeni pak kohë dhe shkoni e votojeni”- apeloi Berlusconi.
Por ishte kandidati, Paolo Micheli i cili në rrjetet sociale rrëfeu atë që kishte ndodhur.
“Ishte një takim festiv në rrugë i listës civile, ku mungonin flamujtë partiakë. Gjithçka ka ndodhur rreth orës 23:00. Berlusconi zbriti dhe pasi foli pak me të rinjtë, u kërkoi që të votonin kandidatin tonë”- shkruan ai.
Vetëm pas 5 minutash, ish-kryeministri, është larguar në siklet disa qindra metra m♪7 tutje, aty ku zhvillohej takimi për prezantimin e Tecla Fraschini, kandidates së mbështetur nga “Forza Italia” e Berlusconi-t.
NDIQE LIVE "PANORAMA TV" © Panorama.al