Lulzim Basha e konsideron Sali Berishën si një bolshevik me kult krimi. Në një konferecë për mediat, Basha u shpreh se koha e ish-liderit të PD ka përfunduar dhe ai duhet të ishte larguar me dinjitet.
Basha ka treguar gjithashtu se një nga anëtarët e PD të cilët u shkarkua një ditë më parë i ka thënë se 60% e personave që kanë firmosur për Kuvendin 11 dhjetorit nuk e dinë se çfarë kanë firmosur, ndërsa pjesa tjetër janë kundër.
“Organizatorë të lartë, jo demokratë të thjeshtë. Siç e tha një nga këta që u shkarkua dje, u çua dhe më tha para një muaj, o kryetar të themi atë që është 60% e këtyre që kanë firmosur për 11 dhjetorin nuk e dinë çfarë kanë firmosur. Ata të tjerët e dinë, por janë kundër dhe nuk kanë ardhure dhe ne na vjen turp që do ti zëvendësojmë me njerëz të tjerë. Ky person që tha një të vërtetë të madhe është shkarkuar.
Ne nuk i shkojmë prapa asnjë gënjeshtre, ne nuk mund ta ushqejmë gënjeshtrat dhe spektaklin e Sali Berishës. Kemi tre muaj që spektakli Berisha ka shfokusuar vëmendje, prandaj nuk e kam ofruar spektaklin për ti treguar se i ka kaluar koha, ndërkohe që lëvizte nga Saranda në Tropojë me persona që i merrte me vete. Këtë mund ta bëja dhe unë, por kjo nuk na çonte askund. Ja kam mohuar këtë kënaqësi, sepse ja kam mohuar edhe Edi Ramës.
Historia e tij mbaroi në 19 maj, po ti kishte bërë shërbimin e fundit PD do ishte tërhequr do kishte ruajtur dinjitetin e tij të cilin e përdhosi në mënyrën më të paimagjinueshme duke u sjellë më keq se bolshevik, me kultin e krimin. Koha e Sali Berishës si fenomen ka mbaruar me kohë”, tha Basha.
Në lidhje me Kuvendin e 11 dhjetorit, Basha u shpreh se bashkëshorti i Blerina Gjylametit është aksioner në një nga kompanitë që e organizoi ata eveniment në stadiumin “Air Albania”.
“Nuk kam asnjë njoftim ndaj çështjeve tona. Gënjeshtrat mos i riqarkulloni. A më ka stresuar mua Berisha? Më ka stresuar në faktin se nuk më ka lënë të bëjë punën time. Ai më ka thënë që nuk lë askënd përpara vetes time. 100% e energjive të mia duhet të ishin përballë Edi Ramës, përballje parlamentare. Kemi 3 muaj që Rama na bredh i qetë me tubin e oksigjenit me vete. Vazhdon ta financojë arenën e Hajnisë. Blerina Gjylameti i thotë Alibeajt, deri më 11 do jesh ti kryetar komisioni. Bashkëshorti i saj, Kostika është aksioner ose menaxher në një kompani e cila solli organizimin e Kuvendit në Air Albania, duke sjellë atë skenografi aty. I kam thënë Berishës nuk jam më 17 vjeç, jam 47, prind i dy fëmijëve. Nuk na trajton dot më si fëmijë. Ti je e shkuara.
NDIQE LIVE "PANORAMA TV" © Panorama.al
