Beqiri: Thaçi e ka luftuar Rugovën, tani po provon ta imitojë

SHPËRNDAJE

Ismet Beqiri nga Lidhja Demokratike e Kosovës ka thënë se Hashim Thaçi, që dikur e luftonte Ibrahim Rugovën, sot po provon ta imitojë atë.

1

Në një intervistë për Klan Kosovën, Beqiri i është kundërpërgjigjur Thaçit në pretendimet e tij se ideja e sotshme që ai e proklamon për korrigjim kufijsh, derivon nga një ide e vet Rugovës për shkëmbim territoresh.

Por, Beqiri, deklaron se ky është tentim për devijim dhe shtrembërim të asaj çfarë ka menduar atëherë Rugova.

“Kjo është në vazhdën e tentimit ta devijojë dhe shtrembërojë atë që e ka thënë Rugova”.

“Nëse në një intervistë e ka thënë kalimthi, secili mund ta vërejë se si e ka thënë, kjo nuk duhet të merret argument nga Thaçi se ky ka të drejtë”, thotë, pos tjerash Beqiri.

Beqiri ka deklaruar gjithashtu se Thaçi “nga një njeri që e ka luftuar në të gjithë mënyrat tash po tregohet një imitues i dobët”. “Por, s’mund ta imitojë ai presidentin Rugova”.

 

Te lidhura

 

Artikulli paraprakBurg trajnerit pedofil që mbante pelena, detyronte të vegjëlit që ...
Artikulli tjetërSi iu dorëzua Princ Vidit kurora shqiptare, takimi me Esat Pashën në Gjermani

S'KA KOMENTE

Comments are closed.