“Nga bebja në bebe, një mundësi që të rinjtë të mos ikin”- Kryemadhi prezanton shumën që do të jepet për çdo fëmijë që lind deri në…

Jan 26, 2021 | 18:00
SHPËRNDAJE

Kryetarja e Lëvizjes Socialiste për Integrim, Monika Kryemadhi gjatë një takimi me të rinj, ka prezantuar programin nga bebja në bebe.

11

Sipas saj, deri kur ky fëmijë të rritet dhe të martohet, do të ketë në llogari rreth 25 mijë dollarë që do të thotë se mund të blejnë një shtëpi të re.

Pjesë nga fjala e Kryemadhit:

Ndërkohë nga ana tjetër është që ajo që kemi për familjet e reja, për djemtë dhe vajzat që ne e quajmë programin nga bebja në bebe. Kjo do të thotë që është e drejtpërdrejtë për çdo fëmijë që lind.

Qeveria ose shteti mundëson në llogarinë e fëmijës 1000 dollarë dhe në moshën që fëmija riprodhohet, kur të martohet të dy burrë dhe grua kanë rreth 25 mijë dollarë minimumi apo 28 mijë dhe të dy së bashku janë të gatshëm për të blerë një shtëpi.

Ky është një shans dhe mundësi për ti krijuar të rinjve tanë që të mos ikin nga Shqipëria por të qëndrojnë këtu, të ndërtojnë familjet dhe ne të kemi mundësi të shikojmë nipërit dhe mbesat që jetojnë në Shqipëri. Kjo quhet politikë kundër shpopullimi.

Ashtu sikurse ne kemi një nga pikat tona kryesore , të gjitha këto kanë koston zero. Pra nuk i kushtojnë asgjë. Jam e gatshme të dal dhe të ballafaqohem me ekonomistë dhe financierë. Këtë nuk e kemi shpikur ne. Kemi pasur shumë takime në SHBA, në bashkëbisedime me profesorë të universiteteve prestigjioze por edhe me investitorë të huaj dhe analistë dhe ekonomistë, këto janë disa politika shumë të thjeshta, shumë të drejtpërdrejta të cilat shkojnë drejtpërsëdrejti te qytetarët dhe shmangin informalitetit, shmangin atë lloj kosto e cila ne duam ta theksojmë që për LSI më mirë të kemi 3 milionë shqiptarë të pasur dhe 3 oligarkë të cilët nuk i vjedhin dot sesa të kemi 3 milionë shqiptarë të varfër dhe 3 oligarkë të cilët rrinë pranë kryeministrit. Kjo është një moto shumë e thjesht, më shumë se kurrë sot është e nevojshme që ne ti përgjigjemi qytetarëve.

NDIQE LIVE "PANORAMA TV" © Panorama.al

Te lidhura